නාවිතන්වැලි ප්රාදේශීය ලේකම් කාර්යාලයේ ජනාධිපති අරමුදලේ පළමු හෘද රෝග ශල්ය ආධාර රුපියල් 300,000ක් බෙදා දෙයි
ජනාධිපති අරමුදලේ සේවාවන් ප්රාදේශීය ලේකම් කාර්යාල මට්ටමට විමධ්යගත කර, මාර්ගගතව ඉදිරිපත් කරන ලද අයදුම්පත් සඳහා ගෙවීම් සෘජුවම ප්රාදේශීය ලේකම් කාර්යාල හරහා ලබා දීමේ වැඩසටහන යටතේ, නාවිතන්වැලි ප්රාදේශීය ලේකම් කොට්ඨාසයේ Centralcamp-06 ග්රාම නිලධාරී කොට්ඨාසයේ ප්රථම ප්රතිලාභියාට හෘද ශල්යකර්මයක් සඳහා රුපියල් 300,000ක වෛද්ය ආධාර ගෙවීමක් හිමිවිය.
චෙක්පත භාරදීමේ උත්සවය 2025 අගෝස්තු 4 වන දින ප්රාදේශීය ලේකම් කාර්යාලයේ සම්මන්ත්රණ ශාලාවේදී ප්රාදේශීය ලේකම් රගුලනායකි සජින්ද්රන් මහත්මියගේ ප්රධානත්වයෙන් පැවැත්විණි.
මෙම අවස්ථාවට සහකාර ප්රාදේශීය ලේකම් පී. ප්රණවරූපන් මහතා, ගණකාධිකාරී කේ. රිස්වි යහ්සාර් මහතා, නියෝජ්ය සැලසුම් අධ්යක්ෂිකා ටී. කිරුබයිරාජා මහත්මිය, සමෘද්ධි මූලස්ථාන කළමනාකරු එස්. සිවම් මහතා, පරිපාලන ග්රාම නිලධාරී මනෝජ් ඉන්ද්රජිත් මහතා, සමාජ සේවා නිලධාරී කේ. ගුණරත්නම් මහතා, ග්රාම නිලධාරී ඒ.ඒ. වසීමා බානු මහත්මිය සහ විෂය නිලධාරිනී ටී. මයූරතා මහත්මිය ඇතුළු පිරිසක් සහභාගී වූහ.
